Divider

Молитвы Угодникам Божьим (в хронологическом порядке - зима)

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Декабря 4
Молитва Святой Великомученице Варваре.

Святая славная и всехвальная великомученице Христова Варвара! Собраннии днесь во храме твоем божественнем (или: пред честным образом твоим) людие, раце мощей твоих покланяющеся (или: и тебе почитающия) и любовию целующе, страдания твоя мученическая и в них самаго страстоположника Христа похвалами ублажаем, и тебе, известная желания нашего ходатаице, молим: моли с нами и о нас умоляемого от своего милосердия Бога, да милостивно услышит нас, просящих Его благостыню, и не отставит от нас вся ко спасению и житию нужная прошения, христианскую же кончину жития нашего безболезненну, непостыдну, мирну, и божественных таин причастну да дарует, и всем на всяком месте, во всякой скорби и обстоянии, требующым Его человеколюбия и помощи, великую свою подаст милость, да благодатие Божиею и твоим теплым предстательством, душею и телом всегда здрави пребывающе, славим дивнаго во святых Своих Бога исраилевска, не удаляющаго помощи Своея от нас, всегда, ныне и присно и во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Декабря 6 и мая 9
Молитва Святителю Николаю Архиепископу Мирликийских.

О добрый наш пастырю и Богомудрый наставниче, святителю Христов Николае! Услыши нас грешных, молящихся тебе и призывающих в помощь скорое предстательство твое: виждь нас немощных, отвсюду уловляемых, всякаго блага лишенных и умом от малодушия помраченных: потщися, угодниче Божий, не оставити нас в греховном плену быти, да не будем в радость врагом нашым и не умрем в лукавых деяниих наших: моли о нас недостойных Содетеля нашего и Владыку, Ему же ты со безплотными лики предстоиши: милостива к нам сотвори Бога нашего в нынешнем житии и в будущем веце, да не воздаст нам по делам нашим и по нечистоте сердец наших, но по Своей благости воздаст нам: на твое бо ходатайство уповающе, твоим предстательством хвалимся, твое заступление на помощь призываем, и ко пресвятому образу твоему припадающе, помощи просим: избави нас, угодниче Христов, от зол находящих на нас, и укроти волны страстей и бед возстающих на нас, да ради святых твоих молитв не обымет нас напасть и не погрязнем в пучине греховней и в тине страстей наших: моли, святителю Христов Николае, Христа Бога нашего, да подаст нам мирное житие и оставление грехов, душам же нашым спасение и велию милость, ныне и присно и во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Декабря 9 и мая 1
Молитва пред иконою Пресвятыя Богородицы, именуемою Нечаянная радость.

О пресвятая Дево, всеблагаго Сына Мати всеблагая, царствующаго града и святаго храма сего покрове, всех сущих во гресех и скорбех, бедах же и болезнех верная предстательнице и заступнице! Приими молебное пение сие, от нас, недостойных раб Твоих, Тебе возносимое: и якоже древле грешника, на всяк день многажды пред честною иконою Твоею молившагося, не презрела еси, но нечаянную радость покаяния тому даровала еси, и усердным к Сыну Твоему ходатайством Сего ко прощению грешника преклонила еси, тако и ныне не презри моления нас, недостойных раб Твоих, но умоли Сына Твоего и Бога нашего, да и всем нам, с верою и умилением пред цельбоносным образом Твоим покланяющымся, по коегождо потребе нечаянную радость дарует: да вси на небеси и на земли видят Тя, яко твердую и непостыдную предстательницу рода христианского, и сие ведуще, славят Тя и Тобою Сына Твоего со безначальным Его Отцем и единосущным Его Духом, ныне и во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Декабря 19
Молитва Святому Мученику Вонифатию.

О святый страстотерпче Христов, воине Царя небеснаго, земная сладострастия презревый и к горнему Иерусалиму страданием возшедший мучениче Вонифатие! Услыши мя грешнаго, приносящаго от сердца молебная пения, и умоли Господа нашего Иисуса Христа простити вся моя согрешения в ведении в неведении мною содеянная: ей, мучениче Христов, образ покаяния собою показывай грешным! Буди ми на злаго сопротивника диавола твоими молитвами к Богу помощник и заступник: много бо поревахся избегнути сетей его лукавых, но улицею греховною уловлен и крепко влачимь от него, не могу избавитися, аще не ты предстанеши ми, во обстояниих горькая терпящему: и колико покушахся покаятися, но ложь пред Богом бых: сего ради к тебе прибегаю и молюся: спаси мя, святче Божий, от всех зол твоим предстательством, благодатию же всесильнаго Бога, в Троице святей славимаго и покланяемаго, Отца и Сына и Святаго Духа, ныне и присно и во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Декабря 19
Молитва Святителю Вонифатию Милостивому.

О всесвятый Вонифатие, милостивый раб милосердного Владыки! Услыши прибегающих к тебе, одержимых пагубными пристрастиями к винопитию и, как в своей земной жизни ты никогда не отказывал в помощи просящим тебя, так и теперь избавь этих несчастных (имена). Некогда, Богомудре отче, град побил твой виноградник, ты же воздав благодарение Богу, велел немногие сохранившиеся грозды положити в точило и позвати нищих, затем, взяв новое вино, ты разлил его по каплям во вся сосуды, бывшие в епископии, и Бог, исполняющий молитву милостивых, совершил преславное чудо: вино в точиле умножилося и нищие наполнили сосуды своя. О, Святителю Божий! Как по молитве твоей умножилося вино для нужд церкви и для пользы бедных и убогих, так ты, блаженный, уменьши его ныне там, где оно приносит вред, избави от пристрастия к нему предающихся постыдной страсти винопития (имена), исцели их от тяжкого недуга, освободи от бесовского искушения, утверди их, слабых, дай им, немощным, крепость и силу благоуспешно перенести сие искушение, возврати их к здравой, трезвой жизни, направь их на путь труда, вложи в них стремление к трезвости и духовней бодрости, помоги им, угодник Божий Вонифатие, когда жажда вина станет жечь их гортань- уничтожи их пагубное желание, освежи их уста небесною прохладою, просвети очи их, поставь их на ноги на скале веры и надежды, дабы, оставив свое душевное пристрастие, влекущее за собою отлучение от небесного царствия, они утвердилися во благочестии, удостоилися непостыдной мирной кончины и в вечном свете безконечного царства славы достойно прославляли Господа нашего Иисуса Христа со Безначальным Отцем Его и Пресвятым и Животворящим Духом во веки веков. Аминь.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Декабря 20
Молитва Праведному Иоанну Кронштадскому.

О великий угодниче Христов, святый праведный отче Иоанне кронштадтский пастырю дивный, скорый помощниче и милостивый предстателю! Вознося славославие триединому Богу ты молитвенно взвыл: Имя Тебе Любовь: не отвергни мене заблуждающагося. Имя Тебе Сила: укрепи мене, изнемогающаго и падающаго. Имя Тебе Свет: просвети душу мою, омраченную житейскими страстями. Имя Тебе Мир: умири мятущуюся душу мою. Имя Тебе Милость: не преставай миловать мене.
Ныне благодарная твоему предстательству всероссийская паства молится тебе: Христос именитый и праведный угодниче Божий! Любовию твоею озари нас, грешных и немощных, сподоби нас принести достойныя плоды покаяния и неосужденно причащатися святых Христовых таин: силою твоею веру в нас укрепи, в молитве поддержи, недуги и болезни исцели, от напастей, врагов видимых и невидимых избави: светом лика твоего служителей и предстоятелей алтаря Христова на святыя подвиги пастырскаго делания подвигни, младенцем воспитание даруй, юность настави, старость поддержи, святыни храмов и святыя обители озари: умири, чудотворче и провидче преизряднейший, народы страны нашея, благодателю и даром Святаго Духа избави от междуусобныя брани: расточенныя собери, прелыщенныя обрати и совокупи святой соборней и апостольской Церкви: милостию твоею супружества в мире и единомыслии, соблюди, монашествующим в делах благих преспеяние и благословение даруй, малодушныя утеши, страждающих и обстояниих сущих помилуй и всех нас на путь спасения настави: во Христе живый, отче наш Иоанне, приведи нас к невечернему свету жизни вечныя", да сподобимся с гобою вечнаго блаженства, хваляще и превозносяще Бога во веки веков. Аминь.

Молитва Праведнаго Иоанна Кронштадтскато.
(от пьянства)

Господи, призри милостиво на раба Твоего (имя рек), прельщеннаго лестию чрева и плотскаго веселия: даруй ему (имя рек), познати сладость воздержания в посте, и проистекающих от него плодов. Аминь.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Декабря 20
Молитва пред иконою Пресвятыя Богородицы, именуемою Спасительница утопающих.

Заступнице усердная, Мати Господа вышняго! Ты еси всем христианам помощь и заступление, паче же в бедах сущым: призри ныне с высоты святыя Твоея и на ны, с верою покланяющыяся пречистому образу Твоему, и яви, молим Тя, скорую помощь Твою по морю плавающым и от ветров бурных тяжкия скорби терпящым. Подвигни и вся православный христианы на спасение в водах утопающих, и воздаждь подвизающымся о сем богатыя милости и щедроты Твоя: се бо, на образ Твой взирающе, Тебе яко милостивно сущей с нами, приносим смиренная моления наша. Не имамы бо ни иныя помощи, ни иного предстательства, ни утешения, токмо Тебе, о Мати всех скорбящих и напаствуемых: Ты по Бозе наша надежда и заступница, и на Тя уповающе, сами себе, и друг друга, и всю жизнь нашу Тебе предаем во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Декабря 22
Молитва Святей Великомученице Анастасии, именуемой Узорешительнице.

О многострадальная и премудрая великомученице Христова Анастасие! Ты душею на небеси у престола Господня предстоиши, на земли же, данною тебе благодатию, различная совершаеши исцеления: призри убо милостивно на предстоящыя люди и молящыяся пред мощами твоими, просящыя твоея помощи: простри ко Господу святыя молитвы твоя о нас, и испроси нам оставление согрешений наших, недужным исцеление, скорбящым и бедствующым скорую помощь: умоли Господа, да подаст всем нам христианскую кончину и добрый ответ на страшнем суде Своем, да сподобимся и мы купно с тобою славити Отца и Сына и Святаго Духа во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Января 2 и июля 19
Молитва Преподобному Серафиму Саровскому.

О великий угодниче Божий, преподобие и Богоносне отче наш Серафиме! Призри от горния славы на нас смиренных и немощных, обремененных грехми многими, твоея помощи и утешения просящих: приникни к нам благосердием твоим и помози нам заповеди Господни непорочно сохраняти, веру православную крепко содержати, покаяние во гресех наших усердно богу приносити, во благочестии христианстем благодатно преуспевати и достойны быти твоего о нас молитвеннаго к Богу предстательства: ей, святче Божий, услыши нас молящихся тебе с верою и любовию, и не презри нас требующих твоего заступления: ныне и в час кончины нашея помози нам и заступи нас молитвами твоими от злобных наветов диавольских, да не обладает нами тех сила, но да сподобимся помощию твоею наследовати блаженство обители райския: на тя бо упование наше ныне возлагаем, отче благосердный: буди нам воистинну ко спасению путевождь и приведи нас к невечернему свету жизни вечныя Богоприятным предстательством твоим у престола Пресвятыя Троицы, да славим и поем со всеми святыми достопокланяемое имя Отца и Сына и Святаго Духа во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Января 12
Молитва пред иконою Пресвятыя Богородицы, именуемою Млекопитательница.

Приими Госпоже Богородительнице, слезная моления рабов Твоих, к Тебе притекающих: зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа: аще и безболезненно родила еси Его, обаче матерния скорби веси и немощи сынов и дщерей человеческих зриши. Тем же тепле припадающе к цельбоносному образу Твоему и умиленно сей лобызающе, молим Тя, всемилостивая Владычице: нас грешных, осужденных в болезнех родити и в печалех питати чада наша, милостивно пощади и сострадательно заступи, младенцы же нашя, такожде и родившыя их, от тяжкаго недуга и горькия скорби избави: даруй им здравие и благомощие, да и питаемии от силы в силу возрастати будут, и питающыя их исполняется радостию и утешением, яко да и ныне предстательством Твоим из уст младенец и ссущих Господь совершит Хвалу Свою: о Мати Сына Божия и на немощныя люди Твоя: постигающыя нас болезни скоро исцели, належащыя на нас скорби и печали утоли, и не презри слез и воздыханий рабов Твоих: услыши нас в день скорби пред иконою Твоею припадающих, и в день радости и избавления приими благодарная хваления сердец наших, вознеси мольбы нашя ко престолу Сына Твоего и Бога нашего, да милостив будет ко грехом и немощем нашим и пробавит милость Свою ведущым имя Его, яко да и мы, и чада наша прославим Тя, милосердную заступницу и верную надежду рода нашего, во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Января 24
Молитва Блаженней Ксении Петербургской.

О святая всеблаженная мати Ксение! Под кровом Всевышняго жившая, ведомая и укрепляемая Богоматерию, глад и жажду, хлад и зной, поношения и гонения претерпевшая, дар прозорливости и чудотворения от Бога получила еси и под сению Всемогущаго покоишися- святая церковь, яко благоуханный цвет, прослави тя: предстояще на месте твоего погребения, пред образом твоим святым, яко живой ти, сущей с нами, молимся ти: приими прошения наша и принеси я ко престолу милосерднаго Отца Небеснаго, яко дерзновение к Нему имущая, испроси притекающих к тебе вечное спасение, на благия дела и начинания наша щедрое благословение, от всяких бед и скорбей избавление: предстани святыми твоими молитвами перед всемилостивым Спасителем нашим о нас, недостойных и грешных: помози- святая блаженная мати Ксение, младенцы светом святаго крещения озарити и печатию дара Духа Святаго запечатлети, отроки и отроковицы в вере, честности, богобоязненности воспитати и успехи в учении даровати: болящия и недугующия исцели, семейным любовь и соглашение низпосли, монашествующих подвигов добрым подвизатися удостой и от поношений огради, пастыря в крепости Духа святаго утверди, народ и страну нашу в мире и безмятежии сохрани, о лишенных в предсмертный час причащения святых Христовых таин умоли, ты наша надежда и упование, скорое услышание и избавление, тебе благодарение возсылаем и с тобою славим Отца и Сына и Святаго Духа ныне и присно и во веки веков. Аминь.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Января 25
Молитва новомученикам и исповедникам российским.

Святии новомученицы и исповедницы церкви российская, услышите усердную мольбу нашу! Вемы, яко нецыи от вас, еще отроцы суще послушающе о древлих стратостерпцех, в сердце своем помыслища, колико прелюбезно и доброхвально есть таковым подражати, их же ни муки, ни смерть не разлучиша от любве Божия. Благо же нам, яко последовали есте вере и терпению тех, о них же слышасте и их же возлюбисте. А понеже на всякое время возможно есть наити на ны испытанием нечаянным, испросите от Господа нам мужества дар, иже толико благопотребен есть в житии человечестем. Вся концы отечества нашего страданьми своими освятивши, яко общии за вся ны молитвенницы, умолите Бога, избавити люди Своя от ига, ужаснейшаго паче всякаго иного. И да отпустится нам и всему роду нашему грех, на народе российском тяготеющий- убиение царя помазанника Божия, святителей же и пастырей с паствою, и страдания исповедников, и осквернение святынь наших. Да упразднятся расколы в церкве нашей, да будут вси едино и да изведет Господь на жатву делатели Своя, сиесть да не оскудевает церковь пастырьми добрыми, иже имут просвещати светом истинныя веры столь великое множество людей, вере ненаученных, или от веры отвратившихся. Недостойни есмы милости Божия, обаче страданий ради ваших Христос Бог наш да ущедрит и помилует всех нас, в помощь вас призывающих. Мы же Ему, Спасителю нашему со Отцем и со Святым Духом сокрушение о гресех и благодарение за вся всегда да приносим, славяще Его во веки веков. Аминь.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Января 31 и апреля 30
Молитва Святителю Никите, епископу Новгородскому.

О архиерею Божий, святителю Никито! Услыши нас грешных, днесь во священный храм сей стекшихся, и честному образу твоему покланяющихся, и ко священней твоей раце припадающих, и умиленно вопиющих: якоже седя на престоле святительства в Великом Новеграде сем, и единою надлежащу бездождию, дождь молитвою свел еси, и паки граду сему огненным пламенным обдержиму, молитвою избаву подал еси, тако и ныне молим тя, о святителю Христов Никито: молися ко Господу, еже избавити царствующыя грады, великий Новград (сей) и вся грады и страны христианский от труса, потопа, глада, огня, града, меча и от всех врагов видимых и невидимых, яко да изрядных ради молитв твоих спасаеми, славим Пресвятую Троицу, Отца и Сына и Святаго Духа, и твое милостивное представительство, ныне и присно и во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Февраля 1
Молитва Святому Мученику Трифону.

О святый мучениче Христов Трифоне, скорый помощниче всем к тебе прибегающым, и молящымся пред святым твоим образом скоропослушный предстателю! Услыши ныне и на всякий час моление нас, почитающих святую память твою во всечестнем храме сем (созданием на похвалу святому имени твоему), и предстательствуй о нас пред Господем на всяком месте: ты бо угодниче Христов, святый мучениче и чудотворче Трифоне, великих чудесех возсиявый, прежде исхода твоего от жития сего тленнаго молился еси за ны ко Господу и испроси еси у Него дар сей: аще кто в коей-либо нужде, беде, печали и болезни душевней или телесней призывати начнет, святое имя твое, той избавлен будет от всякаго прилога злаго:и якоже ты некогда дщерь цареву, во граде Риме от диаволов мучиму, исцелил еси: сице и нас от лютых его козней сохрани во вся дни жития нашего, наипаче же в день последняго нашего издыхания предстательствуй о нас: буди нам тогда помощник, и скорый прогонитель лукавых духов, и к царствию небесному предводитель, иде же ты ныне предстоиши с лики святых у престола Божия: моли Господа, да сподобит и нас причастники быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Февраля 10
Молитва Святому Священномученику Харалампию.

О пречудный священномучениче Харлампие, страстотерпче непреодоленный, священиче Божий, о всем мире ходатайствуяй! Призри на моление нас, почитающих святую память твою: испроси нам у Господа Бога прощение грехов наших, да не до конца прогневается на нас Господь: согрешихом бо и недостойни явихомся милосердия Божия: моли о нас Господа Бога, да низпослет мир на грады и веси наша, да избавит нас от нашествия иноплеменников, междоусобныя брани и всяких раздоров и нестроений: утверди, священномучениче, веру и благочестие во всех чадех православныя христианския церкве, и да избавит нас Господь Бог от ересей, расколов и всякаго суеверия. О милосердный мучениче! Молися за ны ко Господу, да сохранит от глада и всяких болезней, и да подаст нам изобилие плодов земных, скотов умножение на потребу человеком и вся нам полезная: наипаче же да сподобимся, молитвами твоими, небеснаго царствия Христа Бога нашего, Ему же честь и поклонение подобает, со безначальным Его Отцем и пресвятым Духом, ныне и присно и во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Февраля 11
Молитва Святому Священномученику Власию, епископу Севастийскому.

Преблажение и приснопамятне священномучениче Власие, дивный страдальче и предстателю наш теплый, по отшествии твоем в жизнь вечную призывающым твое святое имя пособствовати и во всяких прошениях услышанным быти обещавый! Се ныне к тебе угоднику Божию, яко ко истинному ходатаю спасения, притекаем и смиренно молимся: предстани нам в помощь, узами грехов связанным, подвигнися на всемощныя, твоя к Богу молитвы и помолися о нас грешных: тя бо, недостойнии, призывати на заступление дерзаем, и желаем от всех грехов наших тобою свобождение получити. О святче Божий Власие! В сокрушении и смирении сердца нашего пред тобою припадаем и молимся: осияй нас, омраченных наветы вражиими, светом благодати свыше, да в нем ходяще, не преткнем о камень ног наших: тя, яко сосуд в честь избранный и исполненный благодати Божия, молим: сподоби нас грешных от исполнения твоего желаемого прияти, и исцели нашя душевныя и телесныя язвы, грехом же нашым прощение и душевномоу и телесному нашему здравию и спасению полезное у Господа испроси, да всегда прославляем Отца и Сына и Святаго Духа, и твое милостивное предстательство о душах и телесех наших, ныне и присно и во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Февраля 14
Молитва Преподобному Марону Пустыннику.

О возлюбленная и священная главо, преподобие и Богоносне отче наш Мароне! Назирай свыше милостивно нас грешных, и молися всещедрому Владыце и всех благ подателю Богу о соблюдении державы и спасении (благочестивейшаго, самодержавнейшаго, великаго государя нашего, императора Николая Александровича всея России: да подаст ему Господь Бог многолетное здравие, во снабдение и утверждение святыя христианския веры, и да сохранит царство его во всех врагов цело и неврежденно), во Господе нашем Иисусе Христе: буди же молебник и о нас ко всеблагому Господу честнии твои руце простри, и от Него милость, и щедроты испроси, имиже от всех бед и лютых болезней нас сохрани, и от всяких страстей свободи, такожде от нестерпимыя и неутишимыя огневицы и трясавицы молитвами твоими избави нас, и от нападения бесов, от видимых и невидимых врагов соблюди, и согрешением нашым прощение испроси, и спасены Христу нас представи, во еже в день страшного суда с радостию предстати нам пред лицем неизреченныя славы Его, и милостивное призвание в царство небесное от Него услышати, и в неизреченней радости преславную Его лица доброту узрети, благодатию и человеколюбием Господа Бога и Спаси нашего Иисуса Христа: яко держава Его, благословена и препрославлена, со безначальным Его Отцем и с пресвятым и благим и животворящим Его Духом, ныне и присно и во веки веков.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Февраля 17 и мая 12
Молитва Святому Священномученику Ермогену, патриарху Московскому и всея России.

О великий угодниче Христов, святителю отче наш Ермогене! К тебе молитвеннику теплому и предстателю пред Богом непостыдному, усердно притекаем, в нуждах и скорбех наших утешения и помощи просяще: в древнюю годину искушений, внегда обышедше обыдоша страну нашу нечестивии врази, Господь яви тя церкви Своей столпа непоколебима и людем российским пастыря добра, душу свою за овцы положивша и лютыя волки далече отгнавша: ныне убо призри и на ны, недостойная чада твоя, умиленною душею и сокрушенным сердцем тебе призывающыя: крепость бо наша в нас рскуде, и вражия ловления и сети обыдоша нас: помози нам, заступниче наш! Утверди нас в вере святей: научи нас всегда творити заповеди Божия и вся предания церковная, от отец нам заповеданная, (укрепи благовернаго, царя нашего, Богом нам данного, и научи нас любити его нелицемерно), пастырем нашим буди архипастырь, воином вождь духовный, болящым врачь, печальным утешитель, гонимым заступник, юным наставник: всем же благосердый отец и за вся теплый молитвенник: яко да молитвами твоими ограждаеми, непрестанно воспоем и прославим всесвятое имя живоначальныя Троицы, Отца и Сына и Святаго Духа во веки веков.
 
Divider

Personalize

Сверху Снизу