Divider

ПРИЧАЩЕНИЕ СВЯТОЙ ВОДОЙ ( СТАРООБРЯДЧЕСКОЕ )

IPSISSIMUS

Administrator
Регистрация:19 Апр 2013
Сообщения:39.252
Реакции:1.293
Баллы:113
После?дование о причащении святыя воды?, иже великаго освящения на Богоявление.
Егда несть леть[невозможно] причаститися Животворящих Пречистых Христовых Таин, Плоти и Крови.
Да по совету духовнаго настоятеля, егда время повелит, да причастится, священныя Богоявленныя воды, по обычному приуготованию иже к освящению, и сия изглаго?лет[прочитает] молитвы.
Сотворив начало[т.е. приходные поклоны] глаго?лет:
За моли?тв святых отец наших, Господи, Исусе Христе, Сыне Божии, помилуй нас, аминь. [поклон]
Ограждая лице свое крестным знамением, читаем:
Царю? небе?сныи, Уте?шителю, Ду?ше и?стинныи, Иже везде? сы?и и вся исполня?яи, сокро?вище благи?х и жи?зни Пода?телю, прииди? и всели?ся в ны, и очи?сти ны от вся?кия скве?рны, и спаси? Бла?же, душя? на?шя.
Святыи Боже, Святыи Крепкии, Святыи Безсмертныи, помилуй нас. [трижды с поклонами].
Слава Отцу и Сыну и Святому Духу, и ныне и присно и во? веки веком, аминь.
Пресвятая Троице, помилуй нас. Господи, очисти грехи наша-
Владыко, прости беззакония нашя- Святыи, посети и исцели немощи нашя- имене Твоего ради.
Господи помилуй [трижды]
Слава Отцу и Сыну и Святому Духу, и ныне и присно и во? веки веком, аминь.
Отче наш, Иже еси? на? небесех- да святится имя Твое- да прии?дет царствие Твое- да будет воля Твоя, яко на? небеси и на земли?- хлеб наш насущныи даждь нам днесь- и остави нам до?лги наша, яко же и мы оставляем должнико?м нашим- и не введи нас во искушение- но избави нас от лукаваго.
Господи Исусе Христе, Сыне Божии, помилуй нас. Аминь.
Господи, помилуй, [12 раз].
Слава Отцу и Сыну и Святому Духу, и ныне и присно и во? веки веком, аминь.
Приидите, поклонимся Царе?ви нашему Богу [поклон].
Приидите, поклонимся Христу, Цареви и Богу нашему [поклон].

Приидите, поклонимся и припадем к Самому Господу Исусу Христу, Цареви и Богу нашему [поклон].

[псалом, 50-й.]
Помилуй мя Боже, по велицей милости Твоей. И по множеству щедрот Твоих очисти беззаконие мое. Наипаче омый мя от беззакония моего и от греха моего очисти мя. Яко беззаконие мое аз знаю и грех мой предо мною есть вы?ну[всегда]. Тебе единому согреших и лукавое пред Тобою сотворих. Яко да оправдишися в словесе?х Своих и победи?ши внегда[когда]
судити. Се бо в беззакониих зачат есмь и во гресех роди? мя мати моя. Се бо истину возлюбил еси, безвестная и тайная премудрости Твоея явил ми еси. Окропиши мя иссо?пом и очищуся. Омыеши мя и паче снега убелюся. Слуху моему даси радость и веселие: возрадуются кости смиренныя. Отврати лице Твое от грех моих и вся беззакония моя очисти. Сердце чисто созижди во мне Боже, и дух прав обнови во утробе
моей. Не отверзи мене oт лица Твоего, и Духа Твоего Святаго не отыми от мене. Воздаждь ми радость спасения Твоего и духом владычным утверди мя. Научу беззаконныя путем Твоим и нечестивии к Тебе обратятся. Избави мя от кровий Боже, Боже спасения моего- возрадуется язык мой правде Твоей. Господи, устне мои отверзеши, и уста моя возвестят хвалу
Твою. Яко аще бы восхотел жертве, дал бым убо- всесожжения не благоволиши. Жертва Богу – дух сокрушен: сердце сокрушенно и смиренно Бог не уничижит. Ублажи Господи, благоволением Твоим Сиона- и да созиждутся стены Иеросалимския. Тогда благоволиши жертву правде, возношение и всесожигаемая. Тогда возложа?т на олтарь
Твой тельця.

И по сем тропари сия:
Иже чашу имея неисчерпа?емых сокровищь, дай же ми почерпсти? во?ду во оставле?ние грехо?м, я?ко утесня?ем есмь жа?ждею, Благоутро?бне Господи Спа?се.
Слава Отцу и Сыну и Святому Духу, и ныне и присно и во? веки веком, аминь.
Дево чистая, Сло?ва пола?то[храм Бога Слова], ду?шу мою? покажи? дом Ду?ха, воды? исто?чника живонача?лия напои? мя, горе?нием греха? иста?ема, я?ко да по? долгу[достойно] сла?влю Тя.

и по сем молитва иже во святых отца нашего Иоанна Златоустаго:
Господи Боже наш, Иже с Бесме?ртным и с Безнача?льным Отце?м сразумева?ем. и с Безначальным и с Присносу?щным Твоим Духом спребыва?я, Иже всякаго освящения Податель. Иже и прежде Своим крещением во?ды освяти?в. и ны?не при?сно[всегда] сих, Твоим Святым призыванием освящая Сам. и сию святу?ю во?ду пришествием и действием Твоего Святаго Духа, освященную сотвори ми рабу Твоему- бытии причаща?ющеся от нея, в просвещению душе?, в освящение телу, во умершьвле?ние страсте?м, во отвержение лука?вых по?мысл, в хранило и отложение[прекращение] лукаваго настояния[нашествия], на всяку пользу приличну- яко да ея? благодатию покрываем, невреждено от всякаго наве?та пребуду- в славу Твоего Преблагаго и Святаго имени- молитвами
Пресвятыя Владычица нашея Богородица, и всех святых. аминь.

таж сотворит три метания[поклона] глаголя:
Во Иорда?не креща?ющу Ти ся Господи, Тро?ическое яви?ся покланя?ние. роди?телев у?бо глас, свиде?тельствоваше Ти. возлю?бленнаго Тя Сы?на имену?я. и Дух в виде?нии голуби?не, изве?стоваше[являл] словеси утвержение[совершение]. явле?ися Христе? Боже, и мир просве?щь слава Тебе.
Слава Отцу и Сыну и Святому Духу, и ныне и присно и во? веки веком, аминь.
Явился еси вселе?нней свет Твой Господи- зна?менася на нас, иже в ра?зуме пою?щих Тя. прии?де и яви?ся Свет неприкоснове?нныи.

так же причастився освященныя, со страхом и благобоязньством.
и по сем молитва иже во святых отца нашего Иоанна Златоустаго по причастии святыя воды:
Сла?ва неизрече?нной Ти и неизле?дованной благости. слава премногому Ти незло?бивому долготерпе?нию. слава благоутро?бию Твоему. яко и ныне мя грешнаго, и недостойнаго раба своего освящением сподобил еси, освященныя сея воды причастием- укрепи ми, сего ради живот[жизнь].
невредима всего соблюдая. неуловлена мя сопротивными соделай. непорабоще?на нечистым покажи? по?мыслом- всего мя обнови?, всего во блага?я вжили?[укрепи] де?лания- всего к Твоему впери? желанию. яко Ты еси сладость душа?м нашим. и Тебе славу всылаем с Безначальным Ти Отце?м, и с Пресвятым и благим и животворя?щим Духом Твоим. и ныне и присно
и во? веки веком аминь.

и по сем:
Достойно есть, яко воистину блажи?ти Тя Богородице, присно блаженную и пренепорочную, и Матерь Бога нашего. Честнейшую херуви?м и сла?внейшую вои?стину серафи?м, без истления Бога Слова рождьшую, сущую Богородицу, Тя величаем. Слава Отцу и Сыну и Святому Духу, и ныне и присно и во? веки веком, аминь.
Господи помилуй, Господи помилуй, Господи помилуй.
 

Азиза

Well-Known Member
Регистрация:20 Апр 2013
Сообщения:2.794
Реакции:3
Баллы:0
:cvet4: Благодарю Вас, дорогой МАГИСТР, за столь эксклюзивный материал!
 

Sakyrai

Well-Known Member
Регистрация:22 Май 2013
Сообщения:296
Реакции:0
Баллы:0
Уважаемый мой Учитель Магистр Ипсисимус Благодарю вас за тему Причащение святой водой(старообрядческое).На своих страницах в социальных сетях разместила на благо людям.С уважением.
 
Divider

Personalize

Сверху Снизу