Divider

«Всех скорбящих радость»

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
24 октября, в день иконы, именуемой «Всех скорбящих радость».

Молитва 1-я

Надеждо ненадежных, сило беспомощных, пристанище обуреваемых, покрове напаствуемых, заступление обидимых, хлебоманно, услаждающая алчущих, нектаре небеснаго успокоения жаждущих, Мати преблагословеннаго Бога, преблагословенная и пренепорочная Дево! К тебе единой прибегаю, к твоему покрову вседушно преклоняю колена, Владычице. Не призри плача и слез, утехо плачущих! Аще ужасает мя мое недостоинство и окаянство моих грехов, но уверяет мя цельбоносный сей образ, на нем же благодать твою и силу, яко неисчерпаемое море, вижду: слепых прозревших, скачущих хромых, странствующих аки под сению твоего призрения матерне упокоенных и по всякому прошению благоизобильствующих: на оных помилования образ взирая, прибегох, слепый душевными очима и хром душевными чувствы. О, свете незаходимый! Просвети и исправи мя: веси всякую мою скорбь, веси всякую беду: не призри моления моего, о Полезнодательнице! Не возгнушайся мене грешнаго, не призри мене сквернаго: вемь яко вся можеши, елика волиши, о добрая надеждо моя, упование мое от сосцу матере моея, тебе оставлен есмь: не остави мене, не отступи от мене ныне, и присно и во веки веков. Аминь.
 

Элорэн

Well-Known Member
Регистрация:20 Апр 2013
Сообщения:857
Реакции:5
Баллы:0
Молитва 2-я

Царице моя преблагая, надеждо моя, Богородице, приятелище сирым, и странным предстательнице, скорбящим радосте, обидимым покровительнице! Зриши мою беде, зриши мою скорбь: помози ми яко немощну, окорми мя яко странна. Обиду мою веси, разреши ту, яко волиши: яко не имам иныя помощи, разве тебе, ни иныя предстательницы, ни благия утешительницы, токмо тебе, о Богоматери яко да сохраниши мя и покрывши во веки веков. Аминь.

Тропарь, гл. 2-й. Всех, скорбящих радосте и обидимых заступнице, и алчущих питательнице, странных утешение, обуреваемых пристанище, больных посещение, немощных покрове и заступнице, жезль старости, Мати Бога Вышняго, ты еси пречистая. Потщися, молимся спастися рабом твоим.
 
Divider

Personalize

Сверху Снизу